ADAT KARO : NGELEGI MERGA RAS BERU GUNA PENANGKUHEN JADI KALAK KARO

PMS DAIRI - Ibas zaman kemajun enda ibas enggo litna interaksi antar  suku / bangsa labo terolangi wara suku/bangsa sideban reh ku kita jadi kalak Karo. Kalak Karo terbuka ngaloken kalan sideban bengket ku sukuna, ise pe adi enggo lit hubungen terlebih perjabun labo atena sad ape ndarat ibas ia nari.   Adi si dilaki reh ibereken merga (ikataken ngelegi merga), adi si diberu reh ibereken beru (ikataken ngelegi beru). Enda labo seri ras "adopsi", sabab Bapa-Nande simupus tetap nge simupus, tapi bapa-nandena simbere merga/beru isebut bapana ibas adat  (tapi labo lit hubungen ras harta warisen). Kune ia enggo îtangkuhken jadi merga Karo, man bana ibereken amanah adat ibas bentuk lambang-lambang.

A. BENTUK SIMAN BERENKEN MERGA RAS BERU

1.    Adi lit merga rikutken kalak Batak.

 

Kalak Batak (Toba, Simalungun, Mandailing, Pak-pak, Angola erjabu ia ras merga/beru i Karo, mebuli adi ibereken man bana merga/beru si i Karo. Engkai maka bage? Kita mesera siakap ertaktak ras si la kalak Karo ibas peradaten, sabab "bicara” ras "adat" perjabunta la seri ras ia. Adi anakna dilaki erjabu ia, tentu beru si reh gelah menukah siakap ngelayasisa adi ikerjaken perjabunna rikut Karo, ibere beru man si diberu.

 

Beru si ibereken man bana enda palasna eme bebere kai si dilaki si maba diberu enda. Ertina beru si ibabana kari erpalasken merga singalo emas, ibanna kari jadi anakna. Bali katana me adi jumpa Karo pe maka ningen megati, o kam senina kami singalo ulu emas, anakta enda adi enggo ku jabu anak berunta e, jadikenlah ia bagi anak sini pupus kam, enda tukur anakta enda, kari tupung man arenda kita" ningen.

Enda pe bage, tapi pengendesenna ibas acara khusus, iban ka pertemun, lit nge pangan iban, jenari iendesken ia ku singalo ulu emas si jadi bapana, nina tupung ndahisa: "Bapa/nande jadiken aku anakndu, ajari aku ibas aku lenga beluh adat Karo, enda kuendesken bajundu kam bapa ras nande, tanda aku enggo jadi anakndu".

Man kalimbubu gelah min meriah ukurna enggo tambah anakna diberu ibas jabuna. Nina ngalokensa "Kami ras nandendu erdua tan ngaloken kam jadi anak kami jadilah kam bagi anak nipupus kami". Jadi adi lit dahin ibas jabu kalimbubu enda, tetap ia berlaku bagi anak ningen ngelebuhsa ibas kerja-kerja kam sienggo iberu Gintingken, ningen (labo ia beru Ginting).

Jadi labo jadi ‘parna’ merganta e ras merga bapana, tapi ibas perjabun kita nerehkensa radu ras bapa nandena (simupus). Bage ka me pe adi anakta si diberu erjabu ia ras kalak Batak sidebnna, iban ka nge acara mereken merga eme merga anak berunta. Pedalinna seri ras si arah datas ndai, janah man anak beru pe meriah min ukurna ngalokensa, sabab enggo tambah anak dilaki ipelimiken Tuhan man bana. Ibas dahin kerja nereh empo ia peempokensa rikut ras sangkepna nggeluh. Enda pe utangna lit, eme nambari baju bapan/nande.

Ibas dahin mereken merga ras beru lit ka ngenda bicarana, si penting eme, ula tading orangtua simupus guna ngendesken anak man orangtua (bapa-nandena) simbaru gelah pejabu ia erpalasken adat Karo.

2. Idarat kalak Batak

Genduari megati ka anakta dilaki tah diberu jumpa ia atena ngena la kalak Batak (si la ermerga - rikut turi-turinta nggeluh = + la lit sangkep nggeluh), atena mbentuk keluargana arah perjabun si mchaga rikut Karo, ras radat kuh sangkep nggebun Tole pe lit ka atena jadi kalak Karo, atena meteh peradaten Karo, e pe ibere Merga ras Beru.

Kerina enda idarami Dabuhen Sumpitna sue ras tak-tak perjabun Karo, jabu erdemu bayu, kuh sangkepna nggeluh idarami. Guna sienda lit nge man pesikapen ibas jabu dabuhen sumpitna, eme:

-Singelegi merga

Uis adat Karo

Sekin

-Singelegi beru

Uis adat Karo

Amak cur

Bage pe si ngelegi merga ras beru lit man pesikapenna, eme:

-Sada uis man sukut

-Sada uis man kalimbubu

-Sada uis man puang kalimbubu

Tupung iendesken rikut nge 'batuna' (berupa duit), kerna Buena riah ukur, rikut ngasup si reh.

Man anak beru :

Singelegi merga: sekin rikut rempuna

Singelegi beru : amak cur

Tupung ngendeskensa, rikut nge ras batuna (duit) buena rikut ngasup si reh, tapi lit nge maka banci. Makna adat si iendesken man singelegi merga ras beru eme: Sangkep nggeluh si mere merga ras beru lit iendeskenna berupa benda-benda si lit makna adat siman ikuten singalokensi, eme:

a.    Ibas sukut nari ngendesken man:

Singelegi merga :

kampuh, lambang kesangapen, beluh Ia pagi njaga pantang kemali ibas kegeluhen

enda.

Singelegi beru: abit, lambing kesopanen, beluh ia pagi  njaga pantang mereha ibas kegeluhen enda.

b. Ibas kalimbubu nari ngendesken eme :

Singelegi merga : bulang-bulang, ncidahken kinihagan ras kinitunggungen

Singelegi beru

Singelegi beru : abit, lambang kesopanen, beluh ia pagi njaga pantang mereha ibas kegeluhen enda. ngendesken man :

c. Ibas puang kalimbubu

Singelegi merga : tudung, nandaken maka ia pagi beluh ersangkep nggeluh (telu suki tudung : kalimbubu, senina ras anak beru) seri me pagi ni idah kerina ras arus sierga-ergan, ipehaga nge kerina maka banci. : nari ngendesken eme: piso (tumbuk lada), tandana maka ia ras sembuyakna e, banci jadi piso entelap kalimbubu man perkentasen kalimbubu si la erpilih. langge-langge, ertina gelah ia beluh ia erjile-jile, beluh nampilken bana ras sangkep nggeluh.

d. Ibas anak beru ngendesken man :

Singelegi merga : Singelegi beru sekin ras amak cur, gambaren gelah Mandiri kampil, gambaren gelah mehamat nandangi sangkep nggeluh ras jelma si enterem. Ibas proses ngelegi merga ras beru lit nge iban runggu litpercakapen rikut ranan adat, bagi sitersena arah teruh enda.

B. RANAN ADAT IRAS NEHKEN SURA-SURA NGELEGI MERGA RAS BERU*)

Anak beru tua (ku Senina ku ranan) "E..ak impal uga perpaunga ras kalimbubunta puangkama". (Senina ku ranan meriksa perpulung sangkep nggeluh, mulai regun sembuyak, tegun kalimbubu ras tegun anak beru). Senina ku ranan (ku anak beru tua); "E... asa penenahken kami Anak beru tua (ku Senina ku ranan): "Adi bage ma enggo me banci belasken kami sara-sura kami anak berundu reh ndahi kam kalimbubu Senina ku ranan (ku Sembuyak): "E..ak senina, nungkan anak beranta enggo me banci pesch kami sura-sura kami nina uga ninta arabken cuba ras sembayakta ena".

(Sembuyak arih-arih ras Sukut, sada arihna maka enggo banci, janah pesch man Kalimbubu gelah tertinggel-tinggel ia). Sembuyak (ku Senina ku ranan): "E... enggo banci senina, pesehndu man kalimbubunta gelah tertinggel-tinggel ia". Senina ku ranan (ku Kalimbubu tua): "E... ibenai kami menda lebe percakapen kami ras anak berunta impal, tertinggel-tinggel kam Senina ku ranan (ku Anak beru tua): "E.. bagenda impal, lit si reh ku kami anak beru, ia la kalak Karo, sura-surana jadi kalak Karo, janah itampilkenna atena bana ibas merga kalimbubu kami sembayakndu ena, cuba pesehndu, uga nina".

Senina ku ranan (ku Sembuyak): "Nina anak berunta, uga nina kalimbubu bage ikutkenna". (Sembuyak arih-arih ras Sukut, natang-natang Kalimbubu tahpe ngkelengi Anak beru, simerandalna sura-sura e i-aloken). Sembuyak (ku Senina ku ranan) Adi bage nina anak berunta senina, enggo me banci erdalan sura-sura si reh enda ndai". Senina ku ranan (ku Anak beru tua) Eak impal, sura-sura si reh ena ndai enggo me banci ialoken sembuyak kami, kalimbubundu Anak beru tua (ku agi-agina): "E...ak sura-sura si reh enda ndai enggo erdalan, kai nari ninta man kalimbubunta" (Anak beru arih-arih, perlu isungkun Jabu siapai nge ibas Sukut Dabuhen Sumpitna).

Anak beru tua (ku Senina ku ranan): "Adi enggo banci ialoken kalimbubu sura-sura si reh enda ndai impal, ibas jabu siapai nge dabuhen sumpitna". Senina ku ranan (ku Sembuyak): "E...ak senina, nugkun anak berunta, ibas jabu siapai nge dabuhen sumpit si reh enda nda (Sembuyak arih-arih ras Sukut si B, gelah sue ras sura-surana erjabu, perjabunna banci ilakoken Perjabun Erdemu Bayu. Kenca itetapken Sukut Dabuhen Sumpit e, perlebe ipindo pendapat Anak beru).

Sembuyak (ku Senina ku ranan): "E... enggo sada arih sembayakta kerina senina, maka dabuhen sumpit e i jabu sembuyakta si B, bage kin sope si sungkun kalimbubunta, cuba oratindu lebe uga akap anak berunta". Senina ku ranan (ku Anak beru tua): "Bagenda impal, enggo sada arih ibas kalimbubundu maka dabuhen sumpit e i jabu sembuyak kami si B, uga akapndu". (Anak beru arih-arih, akapna pe enggo merandal).

Anak beru tua (ku Sembuyak): "Akap anak berunta enggo merandal senina". (Sembuyak arih-arih ras Sukut, seh paksana mindo persetujun Kalimbubu ras Puang Kalimbubu, emaka berkat Sukut ras Senina ku Ranan ndahi tegun Kalimbubu). Senina ku ranan (ku Kalimbubu Tua): "E.. bagenda impal, reh nina anak berunta, anak beru menterindu, lit si reh ku ia, la kalak Karo, nehken sura-surana jadi kalak Karo, janah itampilkenna atena bana ibas merga anak berundu enda, enggo ndai ersada arih kami maka suru-sura e banci ialoken anak berundu enda, janah dabuhen sumpitna pe enggo itetapken, jabu anak berundu si B, uga akapndu.

Tegun Kalimbubu arih-arih, kata gung ibas Kalimbubu arih-arih, kata gung ibas Kalimbubu Siperdemui si B ras Puang Kalimbubuna, emakaia me si perpudi isungkun Kalimbubu Tua. Adi meriah ukurna, meriah ukur tegun Kalimbubu). Kalimbubu Tua (ku Senina ku ranan): "E... adi enggo ersada arihindu ras anak berundu, kami pe kalimbubundu enggo meriah ukur kami".

(Kenca Sukut mulihken ku jabuna). Senina ku ranan (ku Anak beru tua): "E..ak impal, enggo ersada arihta ras kalimbubunta, terus ku puang nu puangndu maka sura-sura si reh enda ndai enggo banci ialoken". Anak beru tua (ku Keluarga si naruh): "Kepada bapak-bapak dan ibu-ibu yang ikut mengantarkan anak kita si A, dengan ini kami Sampaikan persetujuan pihak kalimbubu kami untuk menerimanya

sebagai warga Karo di merga ini, dan telah menetapkan bapanya dalam adat, sekarang kami bertanya apakah bapak-bapak dan ibu-ibu telah siap mengantarkan kepada bapanya itu?"

Keluarga si naruh (ku Anak beru tua): "Pertama kami ucapkan puji syukur kepada Tuhan, karena atas perkenanNyalah keinginan anak kami dan kami terkabul, dan terima kasih banyak atas persetujuan yang telah diberikan merga ini untuk menerima anak kami sebagai warganya, terutama bapanya dalam adat yang telah bersedia menerimanya sebagai anak, dan kami telah siap mengantarkannya kepada bapanya"

Anak beru tua (ku Senina ku ranan): "E..ak impal enggo me ndai begindu kai nina simupus, emaka itaruhken kami menda anakndu enda ku jabu sembuyakndu". Senina ku ranan (ku Sembuyak): "E....ak senina, siap-siap kam ras sembuyakndu ena ngalo-ngalo anakta ndai".

Pelaksanan Penangkuhen

> Kepada simupus yang menyerahkan anak, bisa saja dituliskan kata-kata dalam bahasa Karo untuk dibacakan saat penyerahan misalnya berbunyi: "Enda anakta si A, kami si mupus, tapi ibas wari salangsai enda, katikana pe mehuli, iendesken kami ia man bandu sembuyak kami, kam me gundari simada anak, uga turi-turin peradaten Karo nandangi ia kam me simetehsa".

> Dibalas bapana: "Taloken kami, janah ikataken kami bujur, erkiteken igejab kami enda sada kehamaten man merga ras man kami sada jabu". Perlengkapen tiga uis adat, dan satu sekin atau amak cur disiapkan pihak singelegi merga.

> Perlengkapan dari pihak yang memberi merga disiapkan juga oleh singelegi merga, berupa kampuh, bulang-bulang dan piso atau abit, tudung dan kampil (bulang-bulang tau tudung diserahkan dalam keadaan sudah dibentuk sehingga kalimbubu tinggal "nangkutkenca"). (Kenca enggo iendesken simupus anak e man bapana ibas adat).

> Anak beru tua (ku Bapa ibas adat): "Adi enggo seh anakndu, pemen kami, ku jabundu impal, enda lit babana uis adat, endeskenndu kari enda man bapa ras nande bengkila, tandana tutus nge ateku ngikut peradaten Karo nina man kami, emaka enda impal, alokenndu".

(Perbedaan Penangkuhen Singelegi Merga ras Singelegi Beru)

a.    Si-itangkuhken Anak perana.

Bapana (ku Nandena): "Adi enggo icidahkan anakta e atema tutus ndalanken peradaten, bereken janah sampanken dage kampuhna gelah si baba ia ndahi mamana/mamina (Berkat anak e ras bapana bagepe nandena, jarakken piga-piga sukut ras Senina ku ranan ku jabu kalimbubu, anak beru tua ikut maba uis adat si man kalimbubu e).

Senina ku ranan (ku Kalimbubu tua): "Enda reh bere-berena ndai impal, ndahi kam kerina mamana si biak mamana, ninina si biak ninina, impalna si biak implna, alo-alondu".(Isalami anak e kerina kalimbubu e, kenca dung isalamina, ibereken anak beru tua ka uis adat man kalimbubu e).

Anak beru tua (ku Kalimbubu tua): E...ak impal, adi anggo kam jumpa ras bere-berendu e, enda lit babana wis adat, endeken kari enda man mama/mami bengkila, tandana ateku tutus ndalanken peradaten Karo, nina man kami, maka enda alokenndu". (Kenca ialoken kalimbubu tua uis ada e).

Kalimbubu tua (ku agi-agina): "Enda uis adat ibas bere-berenta enda ndai, ncidahken atena tugus ndalanken eradaten, adi bage ma sibulang-bulangi me ia pehagasa, gelah kai pe pagi ibahanne guna pehaga kalimbubu". (Bulang-bulang ibuat kalimbubu tua, iendeskenna man kalimbubu sipedemui gelah isangkutkenna).

Kalimbubu siperdemui (ku bere-berena): "Enda tulang-bulangi kami kam, maka kam ermulia, emaka kai pe ibahandu banlah e guna kemulian kalimbubundu". (Kenca dung ibulang-bulangi kalimbubu, itaruhken ka anak e ku mamana, kalimbubu singalo ciken-ciken. Sinaruhkenca ikut kalimbubu tua ras kalimbubu siperdemui).

Kalimbubu tua (ku kalimbubu singalo perkempun): "Enda reh bere-berenta ndai ndahi kam impal, alo-alondu". (Isalami anak e kerina mamana si biak mamana, ninina si biak ninina, impalna si biak impalna, kenca dung isalamina iendesken anak beru tua ka uis adat man kalimbubu singalo ciken-ciken).

Anak beru tua (ku puang kalimbubu): "Adi enggo kam jumpa ras bere-berendu impal, enda lit babana uis adat, endesken kari enda man mama ras mami tandana tutus nge ateku ndalanken peradaten Karo bengkila nina man kami, emeka enda alokenndu". (Kenca ialoken puang kalimbubu uis adat e, ersada arihna mereken piso man bere-berena). atendu tutus ndalanken peradaten, emaka enda iselipken kami piso

Puang kalimbubu (ku bere-berena): "Enggo cidahkenndu enda ibas awakndu gelah tetap ukurndu ngkawali sangkep nggeluh bapandu". (Kenca sukut, kalimbubu ras puang kalimbubu daten uis tanda ate tutus ndalanken peradaten e)

Kalimbubu tua (ku anak beru tua): "E..ak, man kam anak beru menteri kami, kai nge ibereken permenndu bandu". Anak beru tua (ku Kalimbubu tua): "Enda sekin endesken permenndu enda ndai man bandu anak beru, tandana enggo tambah si man dahinndu pagi, janah ngatakenca maka i-etehna nge tugas anak beru bas adat". (Kenca ialoken anak beru tua sekin e ibas kalimbubu tua nari, arih ia ras agi-agina, sada arihna mereken amak cur man permenna).

Anak beru tua (ku permenna): "enda amak cur iendesken kami man bandu permen, tanda pengarapen kami anak beru, ngasup kam nggeluh ngamper bana". (Sekin iendesken anak beru tua ku sukut gelah sukut e si erban inganna ibas anak beru, janah inganna e biasana ibas anak beru cekuh baka).

b.    Si itangkuhken Singuda-nguda

(Kenca enggo seh si Singuda-nguda ku jabu bapana).

Anak beru tua (ku bapana): "Adi enggo kam jumpa ras anakndu impal, enda lit uis adat, endesken man bapa ras nande, tandana ateku tutus ndalanken peradaten Karo bengkila, nina man kami, emaka enda alokenndu".

Bapana (ku nandena): "Adi enggo me atena tutus ndalanken peradaten, abiti dage anakta e, gelah si dahi mamana ras mamina". (Kenca iabiti nandena si Singuda-nguda ibaba bapana ras nandena ndahi mama/mamina, ikut naruh piga-piga sukut, senina ku ranan, ras anak beru tua maba uis adat man kalimbubu).

Senina ku ranan (ku Kalimbubu tua): "Ena reh bere-berendu ndai ndahi kam impal, alo-alondu". (Kenca isalami Singuda-nguda e si biak mama/mamina, si biak ninina, si biak turang impalna, iendesken anak beru tua uis adat).

Anak beru tua (ku Kalimbubu tua): "Adi enggo kam jumpa ras bere-berendu impal, enda lit uis adat, bereken kari man mama ras mami tanda tutus nge ateku pagi ndalanken peradaten Karo bengkila, nina man kami, emaka enda alokenndu". (Kenca ialoken kalimbubu tua uis adat e, arih ia ras agi-agina, sada arihna maka bere-berena e itudungi gelah metunggung, jenari iendesken tudung si enggo ibentuk man mamina, kemberahen kalimbubu siperdemui, gelah ia nangketkenca).

Mamina (ku Bere-berena): "Enda itudungi kami kam anakku, gelah ijapape kam pagi ncidahken kinitunggungen kalimbubu". (Kenca dung itudungi mamina, si Singuda-nguda ibaba ka ku mama ras mamina singalo perkempun, ikut naruh kalimbubu tua ras kalimbubu siperdemui). (Kenca dung isalami Singuda-nguda e mama/mamina, ninina, turang impalna).

Anak beru tua (ku Puang kalimbubu): "Adi enggo kam jumpa ras bere-berendu impal, enda lit uis adat, endesken man mama ras mami, tandana tutus ateku ndalanken peradaten bengkila, nina man kami, emaka enda alokenndu". (Kenca ialoken Puang kalimbubu uis adat e, arih ia kerina, sada arihna maka i sangketkenna langge-langge man bere-berena, jenari uis langge-langge e iendesken ku mamina, kemberahen kalimbubu singalo perkempun, gelah ia nangketkenca).

Mamina (ku Bere-berena): "Isangketken kami langge-langge enda man bandu anakku, gelah tetap pagi ukurndu ngadep-ngadep kalimbubu". (Kenca sukut, kalimbubu ras puang kalimbubu dat uis adat)

Kalimbubu tua (ku Anak beru tua): "Man kam anak beru, kai nge ibereken permenndu e bandu".

"E…... man kami lit amak cur impal, enda endesken kami man bandu". (Kenca ialoken Anak beru tua amak e, arih ia ras agi-agina, sada arihna mereken kampil man permenna).

Sekalak Bibina (ku Permenna): "Alokenndu kampil enda permen bibina, gelah metunggung kam pagi ngadep-ngadep kalimbubunta".

Cataten: Batuna ngarakken Luah Singelegi Merga entah Singelegi Beru ibagi-bagiken alu kata : Di tegun Sembuyak: "Enda batuna tandana enggo tambah anakta I jabu sembuyakta si B". Di tegun Kalimbubu: "Enda batuna tandana enggo tambah bere-berenta i jabu anak berunta si B". Di Anak beru: "Enda batuna tandana enggo tambah permenta i jabu kalimbubunta si Anu".

Kin ndauh pagi perdalin

Labo nise lau ni inem

Labo meturban taneh idedeh

Ngarak-ngarak tendi, sangkepta nggeluh

 

3.    Mereken merga ras beru man sierjabaten

Kita Karo kalak mehamat, mehuli ateta usur siban man kalak, adi enggo ia reh ku kutanta, apai ka ibabana pemerena (kalak sierjabaten ibas negara) si bereken ateta kebesaren adat man bana, i-uisi ia dingen ibere merga, tole pe itama emas-emasna tanda kehagan ibas kita. Siman berenken man si dilaki, si jadi osena, eme:

1. Bulangna: uis nipes beka buluh itambahi sertali (ikeleweti ibas takalna)

2. Cengkok-cengkokna itampeken ibarana

3. Burana: sertali

4. Gelangna: gelang sarung

5. Cincinna: cincin tapak gajah (cincin tumbuk)

6. Gonjena: uis arinteneng (julu) ntah gatip

7. Kampun kadang-kadangen: iselempangken (kampuh emas-emas)

8. Bentingna: ragi jenggi ras itama piso tumbuk lada.

Siman berenken man si diberu, si jadi osena, eme:

1. Tudungna: kelam-kelam (nai itama jujungenna rambu-rambu emas)

2. Itama ibabona sertali.

3. Cimberahna: anting-anting bentuk kudung-kudung

4. Burana: sertali

5. Abitna: uis arinteneng (gatip pengalkal)

6. Gelangna: gelang sarung

7. Cincinna: cincin tapak gajah (cincin tumbuk)

8. Langge-langge uis nipes (kenca ilipat duaken rikutken gedangna, iabitken idatas awak).

Sumber : Buku Ranan Adat , Pdt. Sada Kata Giinting Suka, M.Th