SIPIJER PODI / NGOBAH-NGOBAH TUTUR

PMS DAIRI - Ibas acara ngobah tutur enda, guna siman beren obahen tuturna, piga-piga nari ngenca ije. Ibas  ngobah tutur arus erdalin belo kinapur pengobah tutur (sabab banci saja mamana pe banci jadi begkilana). Dung acara  ngobah tutur  enda, tayangen simetuana orangtua sisereh maka  iajarina anakna mereken amak, tayangen simetuana ras ajintana. Nina  "bereken  amakku, gelah kena ertuah sangap kal kam ras bulangennda, e adi enggo  iberekendu amak tayangen simetuandu ras ajintandu"

Kenca bage ibereken ka amak tayangen singalo ulu emas, ngesahken maka ia enggo anakna ndai kal. Enda me kewajiben nande si sereh man sangkep nggeluh sidilaki. Jenari nande si empo / bibi siempo "E labo bage anakku buatken  kena tole amak tayangen nandenta-bapanta, sabab kam pe enggo ibereken kam man bapandu singalo ulu emas amak tayangenna"

Kerna amak tayangen sibar bagenda ibereken. Tapi  adi kune ije denga singalo bere-bere, adi lit amak e pe mejile ibereken tapi jadi kearusen pinggan panganlah gia ibereken beberena man si mama ras mami. Terjeng bage me ranan adat kerna perjabun idalanken ibas kita Karo. Sipenting ijenda eme "ula sempat mindo kalak si patut ngalo".

Sumber  : Buku Ranan Adat , Orat Nggeluh, Rikut Bicara Kalak Karo, Ope Tubuh Seh Idilo Dibata, Penulis : Pdt. Sada Kata Ginting Suka,M,Th, Tahun 2013.