PENANGKUHEN ANAK PERANA / SINGUDA-NGUDA

PMS DAIRI - Kenca i bentasina geluh danak-danakna, bengket me ia ku tahap kegeluhen simbaru ibas geluhna, jadi anak perana ntah singuda-nguda. Itangkuh ken me ia adi anak dilaki jadi anak perana, adi ras diberu jadi me Ia singuda-nguda. Maka proses penangkuhen ilakoken biak kalimbubu, bagi  tersena arah teruh enda: 1. Penangkuhen Jadi Anak Perana. Pulung nge sangkep nggeluh, lit nge iban pangan entabeh. Ope ibaba ngadap ku kalimbubu, sukut mereken ras masangken "kampuh" man bana, selaku lambang kesopanan 

(guna nutupi pantang kemali - nen makna  uis Karo). Kalimbubu singalo ulu mas mereken ras masangken bulang-bulang, gambaren anak raja singasup mereken pertimbangen si bujur ras ukur pinter (garis-garis mbentar), ngataken si benar guna mempertahanken hak (garis-garis  megara) ibas mperjuangken kepentingen jelma sienterem (terdauhen nen makna uis). Lit pepayona kalimbubu enda isebut "singalo ulu emas) perban emas lambang kemulian, ia me ulul ntah  mereken kemulian man anak beru terlebih beberena.

Kalimbubu "sinhgalo ciken-ciken"  mereken dingen masangkan "piso tumbuk lada"  kubas awakna, pelambang maka ia me jadi piso entelap kalimbubu man perkentasenken kalimbubu si la erpilih, ras gambaren percaya diri. Makapuang kalimbubu isebut "singalo ciken-ciken" lambang gegeh erdalin (ciken = tongkat), gelah turah percaya diri ibas geluhna selaku dilaki, bage pe jadi upah tendina maka megegeh tendi ibas daging.

Emaka iendesken anak beru me 'amak cur" , lambang mandiri nggeluh. Ia lanai banci tunduh i rumah, enggo ku jambur medem. Ertina i jambur me ia erlajar kerna ndarami  teman, mulai me nure-nure njumpai atena ngena.

Klaimbubu "singalo ciken-ciken" mereken dingen  masangken "piso tumbuk lada" kubas awakna, pelambang maka ia me jadi piso entelap  kalimbubu man perkentasenken kalimbubu si la erpilih, ras gambaren percaya diri. Maka puang kalimbubu isebut "singalo ciken ciken" lambang gegeh erdalin (ciken = tongkat( gelah  turah percaya diri ibas geluhna selaku dilaki, bagepe jadi upah tendina, maka megegeh  

2. Penangkuhen Selaku Singuda-Nguda.  Ope iendesken ku kalimbubu, sukut mereken ras masangken "abit" si diberu (uis julu) si jadi lambang kesopanen ibas nggeluh. Kalimbubu "singalo bere-bere"  mereken  ras masangken tudung "uis gara" jadi lambang kinijilen, gelah ietehna erjile-jile kempak sukut, kalimbubu ras anak beru (nen erti uis Karo - telu suki tudung). Kalimbubu "singalo perkempun" mereken ras masangken "uis langge-langge"  lambang gelah beluh ia pagi njaggai pantang mereha ibas nggeluh, ntah jaga kehamaten man kalimbubu, sukut ras anak-beru.

Jenari maka iendesken anak beru "kampil tandek"  man singuda-nguda enda, gelah ia pagi jadi perlebe kampil puang kalimbubu ibas nehken kehamaten ibas kegeluhen enda. Beluh kal ia pagi erjile-jile ku sangkep nggeluh.

Ipasangken Kalimbubu / puang kalimbubu lambang-lambang  si iberekenna, e kerina bermakna pasu-pasu sirehna enda kerina jadi utang adat  si arus ipersan kalak Karo seh mate, kune ia mate iulihken mulihi man simerekensa, berarti enggo dung adatna, enggo mejuah-juah ndahi Dibata.

 

 

Sumber  : Buku Ranan Adat , Orat Nggeluh, Rikut Bicara Kalak Karo, Ope Tubuh Seh Idilo Dibata, Penulis : Pdt. Sada Kata Ginting Suka,M,Th, Tahun 2013.