PMS DAIRI - Lit ka pe deba maka kenca kerja erjuma tiga ibahanna kerja ngiket tendi. Danak-danak enda ibaba ku rumah sangkep nggeluh. Adi, danak-danak enda dilaki, ibabana ku rumah kalimbubu, adi diberu ibaba ku rumah anak beru. Gunana kerja enda, eme danak-danak enda enggo iserahken man kalimbubu (anak dilaki) , man anak beru (anak diberu) gelah iperdiatekenna perbelinna.
Iabas sienda jabu sinidah mereken serpi ras uis perembah jadi pengiketna. Rikut kiniteken maka pengiket enda lit hubungenna ras tendi, ija tendi anak enda enggo iiket sangkep nggeluh, gelah tetap mejuah-juah, ula mberanginen. Di kune gia pagi ia erjabu, entah gia sekali ku jabu kalak, la banci lang ipindo kata persentabin alu mbaba pangan tasak.
Tupung ngendesken serpi ras uis perembah lit kata totona : " O anakku turang mamina / teman bibina, lampas mbelin anakku, lupa mbatuk - lupa magin, jadi suruh-suruhen mamina / jadi teman bibina, enteguh tendindu anakku bekas siembah kami "
Sumber : Ranan Adat , Orat Nggeluh, Rikut Bicara Kalak Karo, Ope Tubuh Seh Idilo Dibata, Penulis : Pdt. Sada Kata Ginting Suka,M,Th, Tahun 2013.
Tidak ada komentar:
Posting Komentar
Mohon Tinggalkan Pesan