PMS DAIRI - Kenca turah beras danak-danak enda, ibahan me kerja nggunting buk. Rikut kiniteken sindekah maka wari mata kerja la banci seri ras warina tubuh, sabab banci niakap peturah si la mehuli, usur sakit, tendi banci melayah - la ergegeh. Dahin enda banci kaiteremken sue ngasup lit bapa-nandena,, banci ka nge kuh sangkep saja. Ikimbangken amak ibas kesain, jenari kundul ije kerina sangkepna mggeluh. Jenari reh nande danak-danak enda ngendesken belo cawir kempak turangna ( mama danak-danak enda), nina :
"O turang, kuendesken belo cawir enda, enggo mbelin suruh-suruhendu, enggo turah bere-berendu e, gelah min maka ambah ka gedang belinna beberendu e, gunting kam buk beberendu "
Jenari reh maminaijujungina beras piher, nina : "jujung beras piher enda bebere mamina, maka di piher gia beras enda, piheren kap pagi tendindu. Beras enda ijujungi seh 11 kali, alu pengertin ersada tendi i rumah. Jenari maka mamana / bengkilana munjut buk beberena / permenna si lit ibas embut-embut jenari iiketna alu keci-keci, emaka ipirpirina alu lau simalem-malem - lau meciho, emaka ikeret bukndai. Bagem ibahan ernolih-nolih seh dung ergunting. De nai lit ka kebiasan maka pulungen buk enda itimbang alu serpi, janah apai simberatna eme ibereken ku anak enda.
Ibas nggunting buk kalak ramben labo banci perdalinna bagi kalak si la ramben. Itimai seh paksana ia mbelin, radu pe keriahen ukurna ergunting, aneng-aneng, gelah nggit, ras arus ibere upah sue ras pemindon danak-danak enda. Adi paksana mbiar kita tendi anak enda megelut, peturah pinakit ibas ia. Ibas ngguntingsa seri nge acarana ras danak-danak si kitik denga, saja itadingken sada kul-kul rambena janah itambatken ije sen pultak ibas buk si ramben enda.
Sumber : Buku Ranan Adat , Orat Nggeluh, Rikut Bicara Kalak Karo, Ope Tubuh Seh Idilo Dibata, Penulis : Pdt. Sada Kata Ginting Suka,M,Th, Tahun 2013.
Tidak ada komentar:
Posting Komentar
Mohon Tinggalkan Pesan