PMS DAIRI - Adi lit acara ngelingkah, simehulina ilakoken pagi kenca persikapen; adi ersikapen i rumah, iterusken acara ngelingkah enda. Adi i Gereja persikapenna, emaka acara ngelingkah iban i rumah, naruh sangkep nggeluh pekepar. Kenca dung acara ngelingkah enda, adi ibas kerja maba belo selambar / maba manuk la ije penganten, tupung enda me ilakoken acara njunjungi beras piher ibas orang tua
nari. Banci ka nge ilakoken i jambur kenca dung penganten rose ope lenga igalari utang adat ibas mata kerja (perlu metenget soal waktu). Utang adat ngelingkah itanggung si dilaki. Adi si dilaki man lingkahen siman berenken eme uis beka buluh ntah kopiah, kampuh palekat (adi nai, amak, bulang ras besi mersik / tumbuk lada).
Adi sidiberu siman lingkahen siman berenken eme uis langge-langge, kampuh palekat (adi nai amak ras tudungna). Acara ngelingkah enda sekali ngenca ilakoken man sekalak jelma, gia 2/3 turangna ngelingkahisa. Singendesken eme si erjabu, rikut kata totona gelah pedas jumpa ate ngena lako njabuken bana.
Sumber : Buku Ranan Adat , Orat Nggeluh, Rikut Bicara Kalak Karo, Ope Tubuh Seh Idilo Dibata, Penulis : Pdt. Sada Kata Ginting Suka,M,Th, Tahun 2013.
Tidak ada komentar:
Posting Komentar
Mohon Tinggalkan Pesan