SENINA (SADA NININA) - RAKUT SITELU

PMS DAIRI - Dari TUTUR SIWALUH  bisa dikelompokkan  menjadi 3 tegun yaitu : Sukut, Kalimbubu dan Anak Beru. Ketiga inilah yang disebut RAKUT SITELU atau ada juga yang menyebut SANGKEP SITELU. Semua orang Karo  di ikat ( di bingkai) oleh RAKUT SITELU ini. Senina ini  adalah PERTAMA : Si Seh ku SUKUT (Tegun SUKUT = Sukul, eme sada ripe, ertina adi lit utang adat itanggung ras-ras, adi lit pengalon ibagi ka ras-ras).

1. Sembuyak. Eme kalak si seri terpuk mergana umapana Ginting Suka ras Ginting Suka, tapi la sadaripe. 2. Senina Kurana /Gamet . Eme kalak si sada denga mergana , tap terpuk merga pelain-lain. Umapamana : Ginting Suka, senina kurananna Ginting Munte.   Tentu bage me kerina merga-merga / terpuk-terpuk merga Karo lit kerina senina kurananna.gametna.

Labo banci seri terpuk mergana, emaka banci sinen terpuk merga (cabang merga Karo) apai nge ndia biak seninanta/gametta. Arus nge idarami terpuk sub merga sideban ibas sada merga. e. Contoh : Karo sada capah eme Kemit, Bbukit, Sinuhaji, Sinuraya, Samura : Adi kune ia salah sada erbahan dahin (susah-senang) arus i buatna salah sada terpuk merga enda jadi seninana/gametna; labo banci ia si gameten/senina.

Lain ka adi Siwah sada Ginting : Suka, Babo, Sugihen, Guru Patih, Ajar Tambun, Capah, Beras, Jadibata ras Garamata, kerina ia Sembuyak, emaka biak senina eme Ginting Munte entah Manik. Gamet/Sennina ku ranan ia me teman anak berunta nehken Ranan Adat ku Kita bagi ku Anak Beru (kelang-kelang).

KEDUA : Si Erkelang ku Sukut. 

1. SIPEMEREN :  Adi nandenta ersenina ntah bali beberenta.

2. SIPARIBANEN : Adi ndehara ersenina, ntah pe sembuyak. Emaka adi kune lalit senina ndeharanta banci saja kita lalit Senina siparibanenta. Gelah ula jaldut kerja-kerja, banci ka nge i hubungken ras sembuyak bapa ntah nini.

3. SIPENGALON :

Adi beberenta erjabu ku kalak, emaka orangtua ndehara beberentah enggo jadi sepengalon "tukur" ntah sebalikna, anakta erjabu ku kalak, emaka singalo ulu emas kelanta enggo jadi seninanta sepengalon.

4. SIDALANEN/SENDALANEN .

Senina erkiteken i empoina impalta, ia enggo jadi kela mamanta. Adi arah wilayah Adat Batak Timur (sekitar Gunung Meriah) adi lit perjabun senina sedalanen enda ngataken - perbapa - ngudan (impal bapa) ras perbapa-tuan (impal nande)

Nandangi senina ntah sembuyak rikut orat nggeluh ras perkade-kaden arus nge kita "metenget" (Toba : manat mardongan tubu). Metenget sersenina/ersembuyak lit sikap peduli, sigejap uga senang-susahna geluhna "empati" si banci pepalemken pusuh, ukur ras pertendin. Ibabo si e lit sada perkara ija pa pe labo dat, eme lit sikap mediate si mbelin ibas kerina perkara kerna kegeluhen enda ibas kelompok senina.

Lit pedah ncidahken uga kita ersenina/sembuyak eme: " adi keri page man berenken man senina, pageibas keben pe i legi". Tujunna emaka ibas ncidahken keleng ate man senina maka page si ibas keben-persediaan pangan banci ertahan nggeluh seh musim peranin si reh nggit (rela) ibagiken kempak seninanta.

Jadi terpuk senina eme teman erbagi ibas susah ras senang ibas kegeluhen enda. Emaka arus kal i jaga hubungen, bagi pantun si arah teruh enda :

Di ersenina arus metenget,

Sangkut ukur minter tersinget,

Natap kecibal arus metenget,

Cakap la payo ola ni inget,

Bas la teng-teng ola mesimet,

Persadan arih ola metahat,

Kerna si kitik ola sempat rubat.

Sumber  : 1. Buku Adat Karo Sirulo - Tuntunan Praktis Adat Istiadat Karo Jjilid 1, Penulis Malek Ukur Ginting, Tahun 2008.  2. Ranan Adat , Orat Nggeluh, Rikut Bicara Kalak Karo, Ope Tubuh Seh Idilo Dibata, Penulis : Pdt. Sada Kata Ginting Suka,M,Th, Tahun 2013.